गजल
-भीम के सी कमल
बिरोधका मात्रै गाथा लेख्नेहरु धेरै भए
आफ्नो आङ्को भैंसी छाडि, जुम्रा देख्ने धेरै भए ।
°°°°°°°°°°°°°°°°°°°°°°°°°°°°
अहंकारले मैमत्त र घमण्डले चुर बन्दै
हत्केलाले एक्लै आकाश थेग्नेहरु धेरै भए ।
°°°°°°°°°°°°°°°°°°°°°°°°°°°°°
रोम जल्दा निरो सरी बाँसुरीको धुन छर्दै
देशै जलाइ त्यहि हात सेक्नेहरु धेरै भए ।
°°°°°°°°°°°°°°°°°°°°°°°°°°°°°
अबरोधको बहानामा उत्साह र धैर्य छाडि
पाइला चल्दै बैशाखि टेक्नेहरु धेरै भए ।
°°°°°°°°°°°°°°°°°°°°°°°°°°°°°
जीबनपथमा चाहे जति सकिएन लम्किनलाइ
अघि बढदा “भीम” को बाटो छेक्नेहरु धेरै भए ।
