यसरिपनि हुने रहेछ नेपालमा भ्रष्टाचार

नियत जसरि जहाँ पाएपनि चुस्छु, देश कंगालै बनाउँछु, लुटेरै कमाउँछु भनेर लागेपछि जसरिपनि भ्रष्टाचार हुने रहेछ । हेर्नुस त यो तस्बिर । धेरै समय भयो साँफेदेखि मंगलसेनसम्म सडक निर्माणको चर्चा भएको । सडक बनेर कहिल्यै गतिलोसित पुरा हुने होइन । तर भ्रष्टाचार भने शुरुबाटै । सडक बनाउने ठाउँका कुलेसा र खहरेमा राखिनुपर्ने हेम पाइपको साटो यस्ता जस्तापाता राखेर भ्रष्टाचार हुने गरेको रहेछ ।

यो बाटो बन्ने चर्चा चल्न लागेको एक दशकपनि बढि भयो । लम्बाई ३२ देखि ३५ किमी हो जम्मा । कहिले बन्ने ? सडक बनाउँदा राखिनुपर्ने हेम पाइपमै यसरि भ्रष्टाचार भएपछि कसरि बन्छ सडक ? गाडि गुड्ने सडकमा ठेकदारले हेम पाईपको साटो यस्ता कर्कट पाता राखिदिए पछि कति खप्छ त्यस्तो सडक ? पानी छेक्न छतमा ठोकिने जस्ता पाताले धान्छ गाडी ? अनि गाडि गुड्दा भासिएर हुँदैन त दूर्घटना ?

एउटा हेम्प पाईपको दाम कम्तिमा १० हजार रुपियाँ पर्छ । तर एउटा जस्ता पातालाई १५ सय रुपियाँपनि पर्दैन । गत अगष्ट महिनामै सडक बनाउने ठेकदारले यसरि हेम पाईपको साटो भटाभट जस्तापाता राख्दै ठगेको रहेछ । अहिले सम्म न त सडक बनेको छ नत निगरानीनै भएको छ । ठेगदारले कति ठग्दै होला यसैगरि जस्तापाता राखेर ? यसको जिम्मेवारी कसले लिने ? निगरानी कसले गर्ने ?