नेता बहुलाए के गर्ने ???
-नेपोलियन मरहट्टा
पोहोर साल एकाबिहानै
एकोहोरो शंख फुके झैं,
कुकुर रोयो गाउँमा ।
र्याल चुहाएको थियो मुखबाट
घरी यता दौडन्छ, घरी उता दौडन्छ ।
कसैले कुकुर बहुलायो भने
मार्नुपर्छ भने,
झुण्ड्याउनु पर्छ पनि भने ।
धेरै बेर खेदे मान्छेहरुले,
आखिर घेरामा पर्यो कुकुर ।
झुन्ड्याए मान्छेहरुले ।
ढुङ्गाले हाने, भालाले हाने ।
मरेपछी पनि छोडेनन्,
मट्याङ्राले आँखा फुटाईदिए ।
तर
दुई खुट्टे मानब अधिकारबादीले
चार खुट्टेलाई देख्दै देखेन, वास्तै गरेन ।
ठीक यसपाली पनि त्यस्तै भयो,
कालापत्थरमा ।
एकाबिहानै एकोहोरो शंख फुके झैं,
राष्ट्र र जनतालाई झुठो आश्वाशन दिँदै
“जलबायु परिवर्तनको” निंहु पारेर
राष्ट्रिय ढुकुटीमा र्याल चुहाए नेताहरुले ।
हेलिकप्टर र सवारी साधनमा
घरी यता दौडीए,घरी उता दौडीए ।
चारैतिरबाट जनताले खेदेका छन्
ब्वाँसाहरुलाई ।
धेरै देश भक्तहरुले नेता बहुलाए भनिरहेका छन् ।
पोहोर साल बहुलाएको
कुकुरको लक्षण र
अहिलेका नेताको लक्षण एउटै छ,
केही फरक देखिंदैन ।
ए…….
मानब अधिकारबादीहरु हो
कुकुर बहुलाए त..
भालाले हान्ने ।
आँखा फुटाउने ।
झुण्ड्याएर मार्ने ।
तर
नेता बहुलाए के गर्ने ???
