विभिन्न स्टल राखेर नेपाली हस्तकलाका सामग्रीहरूको बिक्री गरिएको उक्त महोत्सवमा नेपाली नृत्य र फ्रान्सेली भाषाको नाटक देखाइएको थियो। तीन फ्रान्सेली युवतीहरूले देखाएको रेशम फिरीरी गीतको नृत्य सर्वाधिक लोकपि्रय बन्यो। मारी, क्यामिई र कोरेली तीन फ्रान्सेली चेलीहरू फ्रान्समा फ्रान्सेली शिक्षिका मञ्जुश्रीसँग नेपाली नृत्यहरू सिकिरहेका छन्।

समापन समारोहमा नेपालको जनआन्दोलन-२ को डकुमेन्ट्री देखाइएको थियो। यो महोत्सव पेरिसमा रहेको ब्वा द भाँसेनको ठूलो बगैँचामा गरिएको थियो , जहाँ मङ्गोलियन अनुहारको बुद्धको विशाल मूर्ति छ। नेपाली गृह निर्माण समितिद्वारा आयोजित सो महोत्सव फ्रान्समा बन्न लागेको नेपाली गृहका लागि रकम जुटाउने र नेपाली धर्म-संस्कृतिको प्रचार गर्ने उद्देश्यले आयोजना गरिएको थियो।

साभार: नेपाल साप्ताहिक, आईतवार, आषाढ ४, २०६३ (जून १८, २०६०)