गजल
-कुष्ण गिरी ‘समु’
साँचो माया गरिरन्छु पत्र कुनै कोर्दिन म
विश्वास नहोस् चाहे तिम्लाई मनको आस्था फेर्दिन म ।
रोजें तिम्लाई यी अधरले चुनें लाख हजारौंमा
तिम्लाई छाडी कोही पराई अङ्गालोमा बेर्दिन म ।
छेक्दिन म तिम्रो बाटो दुनियाँलाई हँसाउन
मात्र गर्छु माया तिम्लाई तिम्रो बस्ती घेर्दिन म ।
चाहन्छु म सदा यही मैले गर्दा बाधा नहोस्
चुमिरहु शिखर तिमी लज्जित बन्न हेर्दिन म ।
मेरो पहिलो माया तिम्लाई स्विकार्य छैन भने
मर्छु बरु तड्पी त्यसै तिम्लाई कहिल्यै सेर्दिन म ।
-पालुम्टार १, कदली, गोरखा
हाल- दोहा, कतार ।
