गजल

-अनुकुल प्रकाश, चितवन
.

गाउँ वेंसीमा फैलिँदैछन् राता राता घामहरु

फुट्दैछ है ज्वालामुखी सोचिराख परिणामहरु,
.

दीन गए साँच्चै गए ज्यु हजुर सरकारको

व्युँझिसक्यो मेची काली छरिएका गामहरु,
.

जती मार्नु मारिसक्यौ सिदासादा जनतालाई

हेर तिम्रा चारै-तिर क्रान्तिकारी लामहरु ,
.

हत्केलामा जीवन राखी घर आफ्नो बच्चाउन

फालिनेछौ छानि-छानी मकाएका थामहरु,
.

माटोको यो माग हो केही त बोक गुमनामहरु

कुटो कोदालो आफुसँग जे जस्ता छन् सर्जामहरु,