आजको नेपाल
-रामप्रसाद घिमिरे
४६ सालमा त्यो आन्दोलन भयो फालेर पञ्चायती ।
प्रजातन्त्र आयो नेपाल देशमा जन्ता रमाए अती ॥
सब मिलिकन पञ्चलाई ऊ बखत झारे समाई तल ।
ऐले भ्रष्ट भए यी शासकहरु कस्तो छ यो बौदल ॥
अदालत् पनि जानुछैन अब काम्, त्यो न्यायका खातिर ॥
सार्बभौमसत्ता नेताका हातमा पर्दैन मान्नु पिर ॥
आफ्नु मत्लब शाद्धे गर्नु छ भने, भारत तिर धाउँनु ॥
धर्म छाडा र देश भाडा कुशासकलाई नाता गोता लाउनु ॥
नेताका भरमा बनेका अफिसर कुर्सि भेट्टाए पछि ।
निर्दोषीलाई पनि यताउति गरि पार्दिन्छन् घोर्ले खसि ॥
पैले रोक थियो घुस लिनपनि, गर्थे अनेकौं छल ।
हाका हाकी अचेल नौलो छ जनवाद्, राष्ट्रै सिध्याउने बल ॥
हाम्रो मौलिकता कतातिर गयो, राष्ट्रियता हो कता ?
सत्य न्याय निशाफ कानुन सबै हुँदै गयो बेपत्ता ॥
धारा धेरै त छन् तथ्याङ्क हरुमा, आऊदैन पिउने जल ।
झुक्कीएर आयो भने ढलसँगै नरमल धमिलो भल ॥
बिदेशि ॠणले खुले गाऊँघर महा, स्वास्थ चौकी नामका ।
औषधी: पनिछैन त्यस्थलमहाँ, डाक्टर विना कामका ॥
आइपुग्यो यदि औषधी:पनि भने, पाउनै कठिन् डाक्टर ।
बिरामीहरु स्वस्थ्यकर्मि नहुँदा फर्केर जान्छन् घर ॥
छन् गांऊँ गांऊँमा बिद्यालय हरु छैनन् त्यहाँ शिक्षक ।
जन्ता जन्ता भिडे नेतासँग हिडे, को हुन् यहाँ रक्षक ॥
लागु भो गाउँमा प्रौढ शिक्षा भनि त्यो, छैनन् उति साक्षर ।
बिदेशीले दिए स्वदेशीले लिए, ख्वै के गरेको छ र ॥
नेता भन्ने सबै एकआपसमहाँ, बाझ्ने र जुध्ने अती ।
जन्ताको पनि राय मान्नै नहुने, के हो यहाँको स्थिति ॥
नेता देश बेचेर मोज गर्छन्, कुर्सि ओगेटी कन ।
सिधा सादा भुरा जन्ता सडकमा, मर्छन् गोलि खाइकन ॥
आफ्नै समुहमा काटमार गरि, गर्छन् अनेकौं छल ।
ढ्वाङ्फुकि कन स्वाङ पारी हिडने, कस्तो छ यो बौदल ॥
आयो नेपालको कराल भुमरि छोपेर चारै तिर ।
यो बौला दलले देश पुरै बौलायो, नेता भए दश तिर ॥
नेता हरु सबै मिलेर अहिले, ल्याए सङ्कटको घरि ।
यी ऊल्लु चोरले भारतका छोराले, धेरै गरे मन्परी ॥
४८ साल देखि हेरौं ऐले सम्म नेताले भद्र गोल गर्यो ।
केन्द्रीय कारागारमा अटाएनन् भने, नक्खुमा राख्नु पर्यो ॥
नेपाली अब फेरि दाश नबनुन्, गोली नखाऊन् कतै
यो धर्ती अब फेरि लाश नगनोस्- बन्द नहओस कतै ।
साक्षी आज बनोस कानुन यहाँ, विदा गरी वैमन ।
कायाकल्प उठोस देश-नव भै आजै उताका दिन ॥
नेपाली सबमा बढोस हितको साझा अव गौरव ।
मेरो यो शुभकामना छ दिनहुँ नौलो वनोस् त्यो घर ॥
(पाठक प्रतिक्रियाका रुपमा प्राप्त यो रचना उपयुक्त लागेकाले प्रथम प्रिष्ठमा राखिएको हो-नेपालप्लस) ।
