कविता : सत्ता

• कपिल अधिकारी / ताइपे, ताईवान

सडकमा छौ

बार भाँच, ढुंगा ठोक, गाडी रोक जलाऊ

“तिनीहरुलाई”

मर्न पठाऊ , मार्न पठाऊ

मरेनी, मारेनी

तिम्रो डाँको  ठुलो हुन्छ

सत्ताको एउटा “चान्स” हुन्छ ।

सत्तामा छौ

लाठी बोकाऊ, बन्दुक भिडाउ

“तिनीहरुलाई”

मार्न पठाऊ,मर्न पठाऊ ,

मारेनी, मरेनी ,

तिम्रो डाँको  ठुलो हुन्छ

सत्ता अल्ली लामो हुन्छ ।

सडकमा  हुँदा पछाडी लुक

तिनीहरुलाइ  अगाडी लगाउ

सत्तामा छँदा पर्खालभित्र बस

तिनीहरुलाइ  अगाडी पठाऊ

बलिदानी,

कठैबरा हामीहरु !

+++++++++