गीत
-घायलश्री, पर्वत
तिमी फूल लाली गुराँस म त तितेपाती ।
तिम्रो हातको पानी मिठो म त तल्लो जाती ।।
बिहानिको घाम तिमी लामो यात्रा गर
सन्ध्याको सूर्य म त डुब्नै लागें प्रिया ।
हाम्रो माया छुटाउने समाज यो घाती
तिम्रो हातको पानी मिठो म त तल्लो जाती ।।
मनैभरी फुल्छौ तिमी म त सधैं तितो
मैले छुँदा चोख्याउने फुकी पानी छिठो ।
मुस्काउने दिन तिमी रातको म साथी
तिम्रो हातको पानी मिठो म त तल्लो जाती ।।
