कविता : कामरेडी वाचा
हिजो हाम्ले वास दियौं
लुकाएथ्यौं भैसी गोठमा
दुखका थे भारी तिनका
परालझैं सुख्खा ओंठमा
०००००००००००००००
यो देश हामी बनाउँछौं
भन्दै भाषण तिनले ठोक्थे
हवाईजहाज करायो कि
दुगुरेर वनमा लुक्थे
०००००००००००००
भोकाएकि तिर्खाएकि
भन्दै पिर हामी गर्थ्यौं
थाह पाए पुलिसको
धाक धम्कि हामी सहन्थ्यौं
०००००००००
पुलिसका आँखा छल्दै
लुकि छिपी वन जान्थ्यौं
रोटि पिठो पुर्याएर
गोठाला हौं भन्दै आउँथ्यौं
००००००००००००
शोषकले सके देश
भन्थे चुपचाप बस्नुहुन्न
यो देशको मुहार फेर्न
हाम्रो पार्टी नभै हुन्न
००००००००००००००००
हाम्रो सरकार आयो भने
गरिव दुखि सबै हेर्छौं
मजदूर किसान असहाय
सबका सब भलो गर्छौं
००००००००००००००००
धनी गरिव सुकुम्बासी
मजदूर अनि सर्वहारा
सबैलाई एकजूट पारी
लाग्छ हाम्रो पार्टी सारा
०००००००००००००००
समानता र मुक्ति नभै
हामी पछि हट्ने छैनौं
कात्रो सँगै बोकेका छौं
लत्तु हामी छोड्ने छैनौं
००००००००००००००
देशको विकास गरि छाड्छौं
शिर माथि ठड्याउँछौं
चानचुने हैन साथी
स्विजरल्याण्ड नै बनाउँछौं
०००००००००००००
आश्वाशन त कति दिए
भनिसाध्य नै छैन
सरकारमा गएपछि
हाम्रो कुनै वास्ता छैन
०००००००००००००००
अहिले आउँछन् गाउँ घुम्न
हेलिकोप्टर चढी चढी
हामी जिल्ल परेका छौं
तिनका फोस्रा शान सम्झि
००००००००००००००
जनयुद्द कालभरि
हाम्ले सास्ती कति खेप्यौं
माओवादी कस्ता रैछन्
सरकार बनाएसी देख्यौं
०००००००००००००००
सुकेका थे ओंठ र गाला
तिनले चप्पल पड्काउँथे
सरकारमा गएपछि
तिनका गाला पुष्ट भए
००००००००००००
कुदाउँछन् प्राडो गाडी
हाम्लाई तिनले हिलो छ्याप्दै
हामी उल्टो भाग्नु पर्ने
सडक र पेटी च्याप्दै
०००००००००००००००
अब फेरी भोट माग्न
आउलान ति एक दिन
अब झिक्छौं लाग्ने खुर्पा
तिनलाई दह्रो जवाफ दिन
(०७ फर्वरी २०१३ म आफैंले कनीकुथी रचेको कविता )
