कविता : मेरो देश बचाऊ
● ओमर गुरुङ / बार्सिलोना , स्पेन
वन सखाप बनायो
चैतमा लागेको डढेलो आगोले
देशलाई मरुभूमि बनायो
पानीमरुवा भोगी नेताहरुले |
००००००००००००००००
गाउँ घर ध्वस्त बनायो
बैशाखमा चलेको हुरी हावाले
देशलाई रणभूमि बनायो
डर छेरुवा लोभी नेताहरुले ||
००००००००००००००००
फुल्दैन फूल बगैचामा अब
बनमारा झार नहटे
बन्दैन मेरो देश अब
भ्रस्टचारी नेताहरुलाई नठोके |
००००००००००००००००
खुल्दैन हिमाल आकाशमा अब
सुन्दर बिहानी नआए
बन्दैन मेरो देश अब
घोस्खोरी नेताहरुलाई नठोके ||
००००००००००००००००
हुँदैन मेरो घर सफा अब
साङ्ला र मुसाहरु नमारे
बन्दैन मेरो देश अब
डाँका नेताहरुलाई नरेटे |
००००००००००००००००
फल्दैन धान खेतमा अब
सावाहरु नगोडे
बच्दैन मेरो देश अब
देश द्रोहीनेताहरुलाई नमारे ||
