गजल
-शुशिला ठकुरी
कसको बिश्वाश गरौं अब मलाई बात लाएपछि
किन माया लाउनु अब घातैघात पाएपछि ।
आस्था बाचा कुल्चिएर पाईतालाले थिचेपछि
किन हेर्नु उसको बाटो घातैघात पाएपछि ।
माया पनि जहर बन्दो रैछ लाउन नजान्दामा
किन कोर्नु चिठी पत्र घातैघात पाएपछि ।
चोखोमाया घामको तेजमा शीत झै् सुकेपछि
किन मरिहत्ते गर्नु अब घातैघातै पाएपछि ।
हितको माया शीतको थोपा घामको चोटमा सुकेपछि
किन लिनु उसको नाम घातैघात पाएपछि ।
हाल- पेरिस, फ्रान्स ।
