सर्बसम्मती अझै भएन, लागे आआफ्नै गूटतिर

कसको कुन प्यानल ?

एमालेमा अध्यक्ष पदकालागि सर्बसम्मती गर्ने प्रयास अन्तत: असफल भएको जानकारी दिएका छन महाधिवेशन हलमा रहेका जनआस्था साप्ताहिकका सम्पादक किशोर श्रेष्ठले । अध्यक्ष पदका दाबेदारहरु माधव कुमार नेपाल, झलनाथ खनाल र केपी ओली तिनै जनाले आआफ्नो उम्मेदवारीको औचित्य साबित गर्न खोजेका थिए । तिन नेता र मध्यस्थकर्ताहरुबिच भएको छलफलमा माधवकुमार नेपालले तिन पटकसम्म कार्यकारी अधिकार सहितको महासचिव भएर पार्टी हाँकिसकेकाले अब आफुलाई एक पटककालागि छोडिदिन झलनाथ खनालले आग्रह गरेका थिए । त्यसको प्रतिवाद गर्दै नेपालले ‘तपाईले पनि त दुई पटकसम्म महासचिव चलाईसक्नु भयो नि ! त्यसो भए अब पहिलो पटक पार्टी अध्यक्ष केपी ओलीलाई बनाउँन त‘ भन्ने जवाफ खनाललाई दिएका थिए । तर खनालले त्यो स्विकार गरेनन ।

त्यसपछि मुकुन्द न्यौपाने, भरतमोहन अधिकारी, मोदनाथ प्रश्रीत, केशव बडाल, प्रदीप नेपाल र विष्णु पौडेलले माधवकुमार नेपाललाई नै पार्टी अध्यक्ष हुन आग्रह गरेका थिए । तर झलनाथ खनालले त्यसको सिधै अस्विकार गरे । अहिले माध्व कुमार नेपाल र केपी ओली पक्ष र झलानाथ खनल पक्षले छुट्टा छुट्टै प्यानल बनाएका छन आगामी नेत्रित्वकालागि।