आशाका दीयोहरु
● जानुका ढुंगेल खनाल
धिप्प धिप्प निभ्न खोज्दै बलिरहेछ्न दीयोहरु !
सुँक्क सुँक्क रुन खोज्दै बाँची रहेछन वियोगहरु !!
बाचा थियो चाँडै फर्कने दीयोमा तेल थप्ने !
कहिल्यै पनि फर्केनन् परदेशी निभ्न खोज्छन दीयोहरु !!
…………….. …………….. ……………..
अभिशाप तिम्रो के थियो भन्ने पत्तै पाएनौ साँचोहरु !
कसरी भरिपूर्ण गरूँ यहाँ तिमी बिनाका खाँचोहरु !!
थाहा पाइयो पछि तिमी साग काटिए झैं काटिए छौ !
अपहेलित र निर्जीव भै दुश्मनको खुकुरीमा पोतिएछौ !!
कति थिए थिए व्यथाका कथा सुनाउनै पाईएन !
सुँक्क सुँक्क रुन खोज्दै बाँचेका छन् बियोग हरु !!
…………….. …………….. ……………..
कति धेरै अनाथ हामी सुरक्षा बिनाका प्राणीहरु !
विश्वभरका आतंकबादी मानवता बिनाका खुनिहरु !!
धिप्प धिप्प निभ्न खोज्दै बलिरहेछ्न दीयोहरु !
सुँक्क सुँक्क रुन खोज्दै बाँची रहेछन वियोगहरु !!
(ईराकमा हत्या गरिएका १२ जना नेपालीको सम्झनामा)
