“मर्न जान पाउनै पर्छ”
(गोरखा भरी बन्द गर्नुपर्छ भन्ने माओवादी नितिको बिरोध गर्दै बिहीबार राजधानीमा भुतपूर्व गोरखा सैनिकका परिवार, फोटो-कान्तिपुर अनलाईन)
अहिले पूर्व बेलायती सेना, तिनका परिवार र आफन्तले यहि माग गरिरहेका छन । हिजो बिहिबार राजधानीमा यहि माग गर्दै तिनले प्रदर्शन गरे । बेलायती सेनामा नेपालीहरु किन लगिन्छ ? सबैलाई जानकारी भएकै कुरा हो । नेपालीहरु पटमुर्ख हुन्छन । ति सोझा हुन्छन । बुद्दी हुँदैन, बल मात्रै हुन्छ । तिनको आफ्नो बिबेक हुन्न। त्यसैले अरुले जे भन्छन त्यसमा कुनै नाईनास्ति नगरि लडाईको अघिल्लो मोर्चामा बसेर लड्छ्न । काँधमा बन्दुक हालेर जसलाई मार्ने निर्देशन आउँछ त्यसैलाई सोझ्याउँछन भन्ने सोच्छन गोराहरु । गरिब मुलुकहरुमा युद्द मच्चाएर ब्यापार बढाउँछन ति साम्राज्यवादीहरु । आफैं जस्ता सोझा साझा गरिबहरुलाई मार्न प्रयोग हुन्छन नेपाली सोझा भनिएका गोर्खा सैनिक । वास्तबमा भन्ने हो भने यसले विश्वभरी नेपालीहरु पाखुरामा बल भएका, बुद्दी र बिबेक नभएका पटमूर्ख हुन्छन भन्ने संदेश गैरहेको छ वर्षौंदेखि ।
ति निकै वर्ष बिराएर आफन्त र परिवार भेट्न आउँछन नेपाल । उता ति लडाईमा तड्पिन्छन । यता घरमा आफ्नी प्रियसी, बाबु आमा, दाजु भाई दिदी बहिनीलाई क्षण क्षणमा तड्पाएर राख्छन । लडाईमा कोहि मर्छन । आफ्नो घर गाउँ र परिवारलाई सधैंको लागि रुवाउँछन । थुप्रै अंगभंग हुन्छन । बाचुन्जेल न त ति सुखसँग बाँच्छन न त परिवारलाई नै शान्तिले बाँच्न दिन्छन ।
बिदेशीको अन्याय र अत्याचार त्यत्तिकै सहन्छन । किनभने ति अग्रपंतिमा लड्ने गोरखा सैनिकहरुलाई बेलायति सेनाको तुलनामा दीने तलब र सुबिधालेनै प्रस्ट पार्छ कि तिनले बिदेशी पल्टनमापनि कति अत्याचार, शोषण, दमन र भेदभाव भोग्छन भनेर। त्यहि सेनामा जान पाउनै पर्छ भनेर अहिले नारा र जुलुस गरिरहेका छन भूतपूर्व सैनिक संगठनका मानिसहरु । त्यसको अर्थ तिनले हामी मर्न जान पाउनै पर्छ भनिरहेका छन ।
तिनका माग पनि गज्जबका छन । यदाकदा माग राख्दापनि बिदेशी सेनामा सरह तलब र सुबिधा हुनुपर्ने रे । यस्तो माग पो राख्छन त । नेपाली नागरिक, नेपालमा बस्ने अनि नेपाली सेनासरह वा अन्य नेपाली सरह नमागेर बिदेशी सरह माग्ने ? यस्तो मागले त बन्दुक बोक्ने मानसिकता हुनेहरुको बुद्दीनै नहुने रहेछ भन्ने देखाउँदैन र ?
नेकपा माओवादीले गोरखा भर्ती बन्द गर्नुपर्छ भनेर आफ्नो चुनावी घोषणपत्रमा स्पष्ठ उल्लेख गरेको छ । मेरो बिचारमा त्यो नेपालको लागि स्वागतयोग्य कुरा हो । बरु भूतपूर्व सैनिकले पहिले रोजगारी स्रिजना गर । हामी आफ्नै देशमा रोजगारी नपाएर बिदेशिन बाध्य भएका हौं भन्ने माग राखे जायज हुँदो हो । तर उनीहरुको माग त गोरखा भर्ती हुनै पर्छ भन्ने पो छ । के भन्ने हामी मर्न जान पाउनै पर्छ भन्नेहरुलाई ?
उल्लेख्य के छ भने नेपालीहरुलाई बेलायतीहरुले १९ औं शताब्दीमै सबैभन्दा पहिले गोरखा सैनिकका रुपमा भर्ती गरेका थिए उनीहरु भारतमा उपनिवेश खडा गर्न आउनासाथ । बेलायतीहरुले गोरखाली सेनालाई ‘मार्शल रेस’ भन्ने गर्थे । गोरखा सैनिकहरु सन १८१५ मा ईराक युद्दमा लडेका थिए बेलायती सेनाको तर्फबाट । त्यसपछि अफ्गानिस्तान, पूर्वी युगोस्लाभिया लगायतका प्रमुख युद्दमा बेलायतीहरुकालागि लड्दै आएका छन ।
