गजल
-गीता थापा (दोषी)
साह्रै आनन्द मान्छौ देशमा आगो सल्काइ नेता
पराइको गुणगान गाउँछौ ढाका टोपी ढल्काइ नेता
°°°°°°°°°°°°°°°°°°°°°°°°°
मुखले नेपालको नाम जपी बगलिमा लुकाइ छुरा
गुन्द्रुक र ढिँडोको कुरा चौंरासी व्यंजन टल्काइ नेता
°°°°°°°°°°°°°°°°°°°°°°°°°
कुर्सी हत्याउने दाउ सधैं देशको विकास गर्छु भनि
भाईभाईमा छुद्र व्यवहार छिमेकीलाई पल्काइ नेता
°°°°°°°°°°°°°°°°°°°°°°°°°
न एक इन्च अगाडि न एक इन्च पछाडि सर्ने कोही
निर्दोष गोरु चुट्छौ किन ढुंगामा हलो अड्काइ नेता ?
°°°°°°°°°°°°°°°°°°°°°°°°°
अबका जनता कमजोर छैनन् जे सुकै सहनलाई
तिम्रो कर्तुत लुक्ने छैन दुबै आँखा कड्काइ नेता
