राष्ट्रघाती सन्धिकै पक्षमा एमाले
चौध वर्ष भन्दा लामो समय नेकपा एमालेको नेत्रित्व लिएका पूर्व महासचिव माधव कुमार नेपालले आज एक्कासि महाकाली सन्धि नेपालको हितमा रहेको अभिब्यक्ति दिएर जनतालाई ढांट्ने काम गरेका छन । आज नेपालले महाकाली सन्धि राष्ट्रघाती होइन भन्ने कुरा आफुले दशौं पटक भन्दै आएको काठमाडौंमा बताएका छन । उनले यदि महाकाली सन्धि राष्ट्रघाती भए राष्ट्रवादी सन्धि गरेर देखाउनु भनेर नेकपा (माओवादी) लाई चुनौतिसमेत दिएका छन । उनले महाकाली सन्धिलाई राष्ट्रघाती भन्ने पार्टीका अध्यक्ष प्रचण्ड भारत भ्रमणमा जान लागेकाले राष्ट्रहितकारी, राष्ट्रप्रेमी र नेपालको पक्षमा अर्को सन्धि गरेर आएर देखाउनु भन्दै चुनौति दिए ।
वास्तबमा नेपाली जनतालाई महाकाली सन्धि गरेर फाइदै फाइदा हुन्छ भन्दै ढाँटेर २०५३ असोज ४ गते शुक्रबार मध्यराति संसद्बाट अनुमोदन गरिएको थियो महाकालि सन्धि । यो सन्धिको त्यतिबेला हजारौं लाखौं जनताद्वारा बिरोध गर्दागर्दै जबर्जस्ति गरिएको थियो । त्यो सन्धि त्यतिबेलाको सत्तारुढ दल नेपाली कांग्रेस, राष्ट्रिय प्रजातन्त्र पार्टी, नेपाल सद्भावना पार्टी र प्रमुख प्रतिपक्षी दल नेकपा (एमाले) मिलेर भारतलाई सुम्पेका थिए । त्यहि सन्धि गर्दा बोराका बोरा भारतिय शासकहरुबाट पैसा लिएर राष्ट्रघातीले महाकाली बेचे, त्यस्ता देशघातीसँग बस्न सकिँदैन भन्दै नेकपा (एमाले) फुटेको थियो । महाकाली सन्धिमा हस्ताक्षर नगर्नेहरुको नेत्रित्व वामदेव गौतमले गरेका थिए जसमा सहाना प्रधान, राजेन्द्र श्रेष्ठ, सीपी मैनाली लगायतका नेताहरुले नेकपा माले गठन गरे । पछि वामदेव लगायतका मालेका धेरै त्यहि “राष्ट्रघाती”हरु समक्ष फर्किएपनि सीली मैनाली लगायतका नेताहरु अझै मालेमै छन ।
हामीलेपनि त्यो सन्धि राष्ट्रघातीनै हो भन्ने बुझ्दै आएका हौं । र नेपालका जलश्रोतबिज्ञ लगायत सन्धि संझौताविदहरुलेपनि नेपाल भन्दै आएका छन । तर अहिले आएर नेकपा एमालेका नेता माधव नेपालले त्यो सन्धि राष्ट्रघाती होइन भन्नु को अर्थ के ? नेकपा माओवादीले नेपालको हित बिपरित रहेका सन्धि संझौता पुनरावलोकन वा खारेजि गर्नुपर्छ भनिरहेको बेला त्यसो भन्नु अर्थ आफुलाई भारतमुखि देखाएर चाकरि गर्न ? कि नेपालको हित अनूकुन सन्धि संझौता नहोस भनेर भारतलाई उचाल्न ?
महाकाली सन्धि संबन्धि तलका समाचार र लेख पनि हेर्नुहोस । तिनमध्ये कुनैमा पनि नेपालको हित भयो महकाली सन्धिमा भनेर लेखिएको छैन । प्रचण्डको भारत भ्रमण हुनु ठिक अघि त्यसरि भारतिय हितका बारेमा माधव कुमार नेपाल कुर्लनुको कारण के होला ?
अन्तरिम संविधानमा सन्धि-सम्झौता
राष्ट्रघातीहरु राष्ट्रवादी भए कसरी ?
शुक्रबार मध्यराति यसरी बेचियो महाकाली
(अन्य वेभ साइट, ब्लग वा पत्रपत्रिकामा प्रकाशित भइसकेका कविता, गित वा अन्य लेख रचना स्रोत उल्लेखनगरि र स्पष्ठ नपारिकन बिभिन्न ठाउँमा प्रकाशित गराउन खोज्नु वा फरक फरक ठाउँमा पठाउनु लेखकिय मान्यता बिरुद हो । नेपालप्लसकालागि त्यस्ता रचनाको खाँचो छैन। जानाजानी त्यसरि पठाउनेहरुको रचना त के पाठक प्रतिक्रियामापनि बन्देज गरिनेछ । नयाँ, छोटा र समय सान्दर्भिक लेख, रचना र कविताहरुकालागि स्वागत छ । लेखकको तस्बिर र ठेगाना खुल्ने रचनालाई प्राथमिकता दिइनेछ । सन्दर्भ पुरानो नहुने खालका रचना प्रकाशित हुन दुइ हप्तासम्म लाग्न सक्छ । तपाइँले पठाएका प्रतिक्रिया नहेरिकन प्रकाशित नहुने भएकोले केही समय लाग्छ । दोहोर्याएर पठाउनु जरुरी छैन । आफुले लेखेको प्रतिक्रिया धेरैले पढुन् भन्ने चाहनुहुन्छ भने प्रतिक्रिया सभ्य भाषामा लेख्नुहोस। ब्यक्तिगत गाली गलौजमा उत्रनु भन्दा संबन्धित लेख, रचनामा आफ्ना धारणा राखेर साझेदारी गर्नुहोस । अरुको धारणामा गाली गरेर होइन कि आफुले चित्त बुझ्दो तर्क दिएरनै अरुलाई आफ्नो पक्षमा पार्न सकिन्छ भन्ने नभुल्नुहोस-नेपालप्लस) ।
