कांग्रेस लाग्यो फेरि राजाकै पार्टीतिर
गिरिजाप्रसाद कोइरालालाई राजतन्त्र छोड्न खुब मुस्किल परेको थियो । त्यहि भएर कहिले श्रीपेच बिनाको राजा चाहिन्छ भन्थे त कहिले बेबी किङ भन्दै पारसको नावालक छोरोलाई राजा बनाउनु पर्छ भन्थे । बल्लतल्ल नेपाली कांग्रेस राजतन्त्र फाल्ने सात पार्टीमा समाहत भयो । जनआन्दोलनपनि भयो। राजतन्त्र फालियो । तैपनि माओवादीसित खटमट पर्दा राजालाई धोका दिएर गल्ति गरियो भन्थे नेपाली कांग्रेसका केहि नेताले । राजतन्त्र छोडेको देखिएपनि नेपाली कांग्रेसमा राजतन्त्रको मोह भने अझै जिवितै रहेछ भन्ने फेरि देखियो । अहिले संबिधान सभाको उपाध्यक्ष पदका लागि निर्वाचन हुँदै छ । सबै दलले आआफ्ना उम्मेदवार उठाएका छन । कित सात पार्टीभित्रकै कसैलाई समर्थन गरेका छन । नेपाली कांग्रेसले भने राष्ट्रिय प्रजातन्त्र पार्टी (राप्रपा) को उम्मेदवार प्रतिभा राणालाई समर्थन गर्न पुगेको छ ।
प्रतिभा राणा यसैपनि दरबारिया नातेदार हुन । उनको पार्टी राप्रपा राजाको पार्टी हो । चाहे त्यसका नारा जे सुकै होउन । बिधान जे सुकै होस। अहिलेपनि त्यो पार्टी राजतन्त्र फर्काएर तानाशाही ब्यवस्था लाद्न चाहन्छ । त्यहि पार्टीले पञ्चायति ब्यवस्थाको नाममा तिसौं वर्ष लुट्यो । पञ्चायति तानाशाहहरुलाई काँधमा बोकेर ।
मुलत त्यहि पार्टीको नीति बिरुद्द जनताले लडेर राजतन्त्र मिल्काएको तिन वर्षपनि भएको छैन । अझ भन्ने हो जनताले राजतन्त्र फालेपछि आफुले चाहेको संबिधान बनाउनपनि भ्याएका छैनन । अनि आफुले भर्खरै लडेको त्यहि तानाशाह ब्युँताउन चाहने पार्टीको उम्मेदवारलाई नेपाली कांग्रेसले समर्थन गर्नुको कारण के ? नेपाली कांग्रेसले कस्तो ब्यक्तिको सहभागिता चाहेको छ संसद भित्र त्यस्ता ब्यक्तिलाई जिताएर ? राजतन्त्रका भूतहरुलाई संसदमा हुलेर जनताकालागि कस्तो संबिधान बनाउन चाहेको हो नेपाली कांग्रेसले ? के उसले सँगै आन्दोलन गरेका कुनै दलका अन्य नेता देखेन राप्रपाको भन्दा गतिलो ? नेपाली कांग्रेसमा राप्रपाकि नेती प्रतिभा राणा भन्दा गतिलो नेता कोहि छैन ? कांग्रेसमा एउटा गतिलो नेताको त्यतिबिघ्न संकट परिसकेको हो ? कि उ सत्ता गुमेको मुर्छाहटमा जस्तो सुकै पार्टीसँग, जनताका वैरीसँग, प्रजातन्त्रका दुष्मनसितपनि संझौता गर्न चाहन्छ ? के नेपाली कांग्रेसकालागि सत्ताको कुर्सी प्रजातन्त्र र जनताको संबिधान भन्दापनि प्यारो हो ? नत्र राजतन्त्रका हिमायति र जनताका वैरीसितको यो साँठगाँठ र हातेमालोको अर्थ के ? राष्ट्रिय जनमोर्चाका नेता चित्र बहादुर केसीले “खास्टाले छोपेको बिरालो, खास्टो उघ्रिएपछि म्याउँ गर्छ” भने जस्तो त होइन यो कतै ?
