नेपाली कांग्रेस बेल्जियममा झण्डै कुटाकुट
-अपडेट-[भर्खरै प्राप्त जानकारी अनुसार नेपाली कांग्रेसकोमहाधिवेशनमा भाग लिनका लागि गंगाधर गौतम (पदेन), इन्द्र क्षेत्री, राम थापा, जानकी गुरुङ, उल्का घिमिरे, केशव सापकोटा र सुदाम लम्साल प्रतिनिधीका रुपमा चयन भएका छन् ।
त्यसैगरि, ३ जना महासमिति सदस्यमध्ये १ जना पदेन सदस्य रहने ब्यवस्था छ । बाँकि २ पदका लागि इन्द्र क्षेत्री, राम थापा, जानकी गुरुङ र उल्का घिमिरेको उमेरदवारी परेको थियो । सर्वसम्मत गर्ने प्रयास असफल भएपछि भएको गोप्य मतदानबाट राम थापा र इन्द्र क्षेत्री निर्वाचित भएका छन् ।]
नेपाली कांग्रेसको महाधिवेशनमा भागलिन प्रतिनिधी छनौटकालागि बेल्जियममा मारामार परेको छ । नेपाली कांग्रेसको बिधान अनुसार स्थानिय कमिटीले पाँच सय जना क्रियाशिल सदस्य बनाएपछि मात्रै पार्टीको महाधिवेशनमा भागलिन पाउँछन् । त्यसरि ११ जनाले भागलिन पाउँछन् । बेल्जियमको आन्तेरपेन शहरबाट नेपालप्लस स्रोतले दिएको जानकारी अनुसार नेपाली कांग्रेस बेल्जियम कमिटीले मिले र भेटिएसम्मका नेपालीको नाम लेखाएर सदस्यता दिँदापनि पाँच सय पुग्ने अवस्था नदेखिएपछि काँग्रेसमा मारामार परेको हो । पछिल्लो बैठकमा उनीहरुबिच कुटाकुट नै हुन लागेको थियो ।
नेपाली कांग्रेसको क्रियाशिल सदस्यता लिन यूरोपका संगठनले हरेक सदस्य पिच्छे नै २५ यूरोका दरले केन्द्रलाई बुझाउनुपर्छ । त्यसरि २५ यूरो तिरेर क्रियाशिल सदस्य बन्न अनिच्छुक बनेपछि बेल्जियमका स्थानिय कांग्रेस नेताहरुलेनै ब्यक्तिगत रुपमा पैसा तिरेर सद्स्यता बाँडेका थिए । अरु संगठनमा सक्रियता पूर्वक लागेका बाहेक देखे र भेटिएजति सबैलाई सदस्यता बाँड्न खोज्दापनि पाँच सय नपुगेपछि महाधिवेशनमा को को प्रतिनिधी बनेर जाने भन्ने विषयमा मारामार परेको हो ।
महाधिवेशनमा प्रतिनिधी छनौटकालागि सद्स्यता दिने क्रममा अवैधानिक रुपमा सद्स्यता बाँडेको भन्ने आरोपपनि स्थानिय नेत्रित्वमाथि लागेको छ । कांग्रेसको बिधानमा नेपाली नागरिकले मात्रै कांग्रेसको सक्रिय सदस्यता पाउन सक्ने भन्ने उल्लेख छ । तर महाधिवेशनमा बढि प्रतिनिधी पठाउने नाममा नेत्रित्वले बेल्जियमको नागरिकता लिइसकेकाहरुलाइपनि सदस्यता बाँडेपछि बिवाद चुलिएको हो । कांग्रेसका केहि सक्रिय सद्स्य र स्थानिय नेताहरुले सदस्यता बढाउने नाममा बिदेशी नागरिकता लिइसकेकाहरुलाई सद्स्यता दिएर अवैधानिक काम गर्न नपाइने अडान लिएका छन् । यदि नेत्रित्वले त्यसलाई सुधार नगरे यी यी सदस्यले बिदेशी नागरिकता लिइसकेको भनेर किटान गरेरै केन्द्रिय कार्यालयमा उजुरी हाल्ने तयारी गरेका छन् ।
कांग्रेसको यो बिवाद खासगरि संस्थापन पक्ष गंगाधर गौतम र बिद्रोही पक्षका उल्का घिमिरे बिच परेको हो । नेपाली जन संपर्क समिती बेल्जियम नेपाली कांग्रेसको भात्री संगठन हो । बेल्जियमा सबै जसो ठुला नेपाली संगठनले आफ्नो भात्री संगठन खोलेका छन् । बेल्जियमको नेपाली कांग्रेस समीति गत साल देखिनै टुक्रिएको थियो । गत सालको एन आर एनको निर्वाचनमा एकाएक उल्का घिमिरेको अध्यक्षतामा नेपाली कांग्रेस बिद्रोही पक्ष बनेपछि कांग्रेस टुक्रेको थियो । टुक्रिएर गएको समूहले कांग्रेस उमेरदारलाई मत नदिएर एमालेका राम अर्जुन कुमार श्रेष्ठलाई अन्तर्राष्ट्रिय समन्वय सदस्य (आ सि सि मेम्बर) मा मत दिएपछि कांग्रेसको विवाद सार्वजनिक रुपमा आएको हो । अहिले दुबै कांग्रेसलाई मिलाएर एक बनाइएपनि महाधिवेशन प्रतिनिधी छनौटकालागि फेरी बिवाद परेको हो ।
यो विवादलाई मिलाउन दुबै कांग्रेसका प्रतिनिधीको अगस्ट २२ र ३१ मापनि बैठक बसेको थियो । अगष्ट २२ मा बसेको बैठकमा बिवाद नमिलेपछि फेरि अर्को बैठक बसेर सुल्झाउने भन्दै बैठक टुंग्याइएको थियो । तर ३१ मा बसेको संयुक्त बैठकमा बिवाद मिल्नुको साटो झन चर्काचर्की पर्दै गएपछि दुई पक्षबिच हात हालाहालनै हुन लागेको थियो । खासगरि सदस्यता बितरणका विषयमा उनीहरुबिच विवाद चर्किँदै जाँदा कुटाकुटको स्थिति स्रिजना भएको थियो ।
(बेल्जियमका बिविध पक्षमा अझै निकै समाचार, फोटो फिचर र लेख रचना आउँदैछन् हेर्दै गर्नुहोला) ।
