सरकार नबन्दै कुर्सीकालागि हानथाप
बल्ल तल्ल माधव कुमार नेपाल प्रधानमन्त्री भए । सरकार बन्ने कहिले हो पत्तै छैन । सरकारमा जाने को को हुन्, कसले निश्चित गर्ने भने भन्ने टुंगोपनि छैन । तर सरकारमा सहभागि हुने भनेका दलहरुमा मन्त्री को बन्ने भन्ने विषयमै मारमुंग्रि चलिसक्यो । नेपाली कांग्रेसले अस्ति नै सरकार सञ्चालनका लागि प्रारम्भिक रुपमा तिन जना ब्यक्तिको नाम सिफारिस गर्नुपर्ने थियो । तर अहिलेसम्मपनि त्यसको ठेगान लगाउन सकेन ।
सरकारमा जाने विषयमा गिरिजा पक्ष, देउवा पक्ष र नरहरी पक्ष अर्थात लोकतान्त्रिक पक्ष भनेर चिनिनेहरुको हानथाप परेको छ । जनताको मतबाट पराजित भएका माधव नेपाल प्रधानमन्त्री भएपछि कांग्रेस सभापती गिरिजा कोइरालालाई बाटो खुलेछ आफ्नी हरुवा छोरीलाईपनि कुर्सीमा चढाउने । उनले बिद्दा भण्डारीलाई रक्षा मन्त्री बनाएर एमालेले उदाहरणिय काम गरेकाले नेपाली कांग्रेसलेपनि सुजाता कोइरालालाई उपप्रधानमन्त्री बनाएर महिलाका पक्षमा उदाहरणिय कम गर्नुपर्ने बताउनासाथ कांग्रेसमा मारमुंग्रि शुरु भएको छ ।
नरहरी आचार्य, गगन थापा, शुप्रभा घिमिरे र पूर्णबहादुर खड्का लगायतकाले सरकारमा को जानेभन्ने निर्णय पार्टीको केन्द्रिय समितिले गर्नुपर्ने बताएर बिरोध गरेका छन् । उता गिरिजाकै विश्वासपात्र रामचन्द्र पौडेलले सरकारमा को जाने अहिले ठेगान भैनसकेको बताएका छन् । देउवा पक्ष भने सुजाताको नाम सुन्नासाथ राँक्किएको छ । कुन मन्त्रालय कसले पाउने भन्ने विषयमापनि हानथाप परेको बताइन्छ ।
कुन मन्त्रालय कसलाई दिने भन्ने विषयमा अस्ति मंगलबार दिनभरि जसो सत्ता साझेदार दलहरुबिच छलफल भएको थियो । तर जति प्रयास गर्दापनि त्यहाँ कुनै सहमती हुन सकेन । एमालेलाई सरकारको नेत्रित्व गर्न दिएको कांग्रेसले बाँकि महत्वपूर्ण मन्त्रालय आफुले पाउनुपर्ने दाबी गरिरहेको छ ।
उता मधेसी जन अधिकार फोरम संसदिय दलका नेता विजय कुमार गच्छदार र पार्टी अध्यक्षबिचपनि नयाँ टकराब देखिएको छ । एमाले नेत्रित्वको सरकारलाई समर्थन नगरे पार्टी फुट्ने अवस्थामा पुगेको फोरमभित्र सरकारमा सहभागि हुने बारे झन् मतभेद देखिएका छन् । प्रधानमन्त्री माधव नेपाल हुँदा हुँदै विजय कुमार गच्छदारले गिरिजा कोइराला कहाँ पुगेर पदको मोलमोलाई गर्न थालेका छन् । पार्टीमा आफैंले जोखिम लिएर एमाले नेत्रित्वको सरकारमा सहभागि हुने निर्णय गरेकोले आफुलाई गतिलो मन्त्रालय दिनुपर्ने तर्क कोइराला समक्ष गरेका रहेछन् । सरकारमा को र कति जना सहभागि हुन पाउँछन् भन्ने निर्णयले फोरमभित्र झन बिबाद हुने निश्चित जस्तै देखिन्छ ।
फोरमले भने केहि महत्वपूर्ण मन्त्रालय सहित कम्तिमा ६ वटा आफुले पाउनुपर्ने माग गरिरहेको बताइन्छ । सद्भवना आनन्दीदेवी, नेपाल सद्भावना पार्टीका राजेन्द्र महतो लगायतकाले पनि कम्तिमा दुई दुई वटा मन्त्रालय पाउनुपर्ने लगायतका माग तेर्स्याएर अहिलेनै सरकार गठनमै झमेला थपेका छन् । त्यसबाहेक अझ नेकपा (माले) लगायतका भुरे टाकुरे दलहरुलेपनि कम्तिमा ए उटा मन्त्रालय त पक्कै माग्छन् । त्यसबाहेक अझ कति माग तेर्स्याउने हुन् ।
उता एमालेमा सेनापती कटुवाललाई बर्खास्त गर्ने र राष्ट्रपतीले पुनर्स्थापित गर्ने निर्णय देखिनै विवाद भित्रभित्रै सल्किएको छ । बिदेशी दबाबका कारण माधव नेपाल पक्ष र केपी ओली गूट अहिले बलियो देखिएकोले सरकार गठनमा थप बिबाद उत्पन्न हुने छ । अहिलेनै सरकारमा कुन पक्षका कति जना जाने भनेर एमालेमा ओली र खनाल पक्षको एकमत छैन ।
